सिरहा । सशस्त्र प्रहरी बल नेपाल नं. ७ गण हेडक्वार्टर सिरहाले जिल्लाका विभिन्न सीमा इलाकाबाट करिब १४ लाख ५७ हजार रुपैयाँ बराबरको अवैध सामान बरामद गरेको छ।
मिति २०८३ असोज १ गते विभिन्न सीमा क्षेत्रबाट खटिएको सशस्त्र प्रहरीको टोलीले मोटरसाइकल, कस्मेटिक सामग्री, पेय पदार्थ, हार्डवेयरका सामान, मोबाइल डिस्प्ले, लत्ताकपडा, खेलौना, सुर्ती तथा किराना सामानलगायत सामग्री बरामद गरेको हो।
बरामद गरिएका सामानको जम्मा मूल्य रु. १४ लाख ५७ हजार ७ सय ४७ रहेको सशस्त्र प्रहरी बल नेपाल नं. ७ गण हेडक्वार्टर सिरहाले जनाएको छ।
बरामद सामानहरू आवश्यक कानुनी प्रक्रिया पूरा गरी सिरहा भन्सार कार्यालयमा दाखिला गरिएको गणले जनाएको छ।
